У сераду ў Беларусі чакаюцца мокры снег і галалёдзіца
Воблачнае надвор'е, уначы — з праясненнямі будзе ў Беларусі 29 лістапада. Пра гэта супрацоўнікі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды паведамілі агенцтву БЕЛТА.
Уначы па ўсходзе краіны, а ўдзень на большай частцы тэрыторыі Беларусі пройдуць ападкі — пераважна мокры снег. У асобных раёнах магчымае наліпанне мокрага снегу, на дарогах — галалёдзіца. Сіноптыкі прагназуюць слабыя туман і галалёд. Вецер будзе паўднёва-ўсходні 4-9 метраў за секунду.
Уначы тэмпература паветра складзе ад 4 градусаў марозу да 1 градуса цяпла, пры праясненнях — да 6 градусаў ніжэй за нуль. Удзень прагназуецца -2...+4 градусы.
