У Шчучынскім раёне міністру сельскай гаспадаркі паказалі "перадавыя тэхналогіі"
Чыноўнікі ў полі / dzyannica.by
У Шчучынскім раёне міністру сельскай гаспадаркі і харчавання Сяргею Барташу паказалі "перадавыя тэхналогіі". Там прайшоў "рэспубліканскі семінар-нарада па пытаннях кормавытворчасці, гатоўнасці сельскагаспадарчых арганізацый да ўборкі траў". Як піша газета "Дзянніца", міністр пераказаў прысутным задачы, якія на гэты год паставіў Аляксандр Лукашэнка: павелічэнне вытворчасці сельскагаспадарчай прадукцыі, "пераход на інтэнсіўныя тэхналогіі ў жывёлагадоўлі і раслінаводстве", а таксама больш эфектыўнае выкарыстанні рэсурсаў, што выдзяляюцца для АПК.
Для ўдзельнікаў семінару арганізавалі выезд у найлепшую гаспадарку. А шчучынскія навукоўцы з Гродзенскага занальнага Інстытута раслінаводства НАН Беларусі распавялі пра свае найноўшыя даследаванні.
