У складзе "Крумкачоў" з'явіўся гулец нацыянальнай зборнай Кыргызстана
У складзе "Крумкачоў", дэбютанта вышэйшай лігі футбольнага чэмпіянату Беларусі, з'явілася група замежнікаў: двое кіргізаў і адзін расіянін. Як паведамляе прэс-служба мінскага футбольнага клуба, паўабаронца 20-гадовы Бахціяр Дуйшабекаў згуляў за нацыянальную зборную Кыргызстана 20 матчаў, забіў 1 гол. Абаронца Акрамжон Умараў, як і Дуйшабекаў, летась выступаў у клубе "Абдыш-Ата" ў чэмпіянаце Кыргызстана.
На праглядзе знаходзіцца і брамнік Сяргей Равякін з Расіі. Яму 21 год.
