У суботу ў асобных раёнах Беларусі магчымыя замаразкі

4 траўня ў Беларусі чакаецца воблачнае з праясненнямі надвор'е, інфармуе Белгідрамет. 

Уначы па паўднёвым усходзе краіны, а зранку і ўдзень месцамі па краіне пройдуць кароткачасовыя дажджы, магчымыя навальніцы. Вецер уначы будзе паўночна-заходні, удзень паўднёва-заходні, паўднёвы ўмераны. 

Уначы прагназуецца 1-7 вышэй за нуль, па Гомельшчыне — 8-9 цяпла, а ў асобных раёнах краіны будуць замаразкі 0...-2. Удзень паветра прагрэецца да 11-17 са знакам "плюс", па паўднёвым усходзе чакаецца да 19 цяпла.