У суботу ў Беларусі будзе пераважна без ападкаў і да 4 цяпла
У снежні ў Беларусі / t.me/vdvinsk/
У суботу, 21 снежня, у Беларусі будзе пераважна без ападкаў (толькі ўначы месцамі магчымыя невялікія дождж і мокры снег). Сіноптыкі папярэджваюць пра галалёдзіцу, якая месцамі захаваецца на асобных участках дарог на паўночным усходзе краіны.
У начныя гадзіны тэмпература паветра складзе ад -3 да +2 градусаў, у дзённыя гадзіны — ад 0 да 4 градусаў цяпла.
У нядзелю ападкі (мокры снег, часам з дажджом) магчымыя пераважна на захадзе і паўночным захадзе Беларусі. Уначы прагназуецца ад -6 да +1, удзень — ад -3 да +3. Падобныя ўмовы надвор'я чакаюцца і ў панядзелак.
