У суботу ў Беларусі чакаюцца навальніцы, дождж, мокры снег
Уначы ападкі прагназуюцца на большай частцы тэрыторыі нашай краіны.
У суботу, 18 красавіка, у начныя гадзіны на большай частцы тэрыторыі Беларусі чакаюцца дождж, мокры снег, у дзённыя — навальніцы (у асобных раёнах). Вецер паўночны, 5-10 метраў за секунду, удзень з парывамі да 14 метраў.
Тэмпература паветра ўначы складзе ад мінус 2 да плюс 3, удзень — 5-11 цяпла, інфармуе БЕЛТА.
