У Тайландзе малпа спрабавала распрануць амерыканскую турыстку
У адным з заапаркаў Тайланда маленькая малпа заскочыла на наведніцу і паспрабавала яе распрануць. Як паведамляюць замежныя СМІ са спасылкай на The Mirror, гэта адбылося з амерыканкай Брытані Боумен.
Спачатку макака ўскараскалася на нагу дзяўчыны, а затым палезла вышэй, ухапілася за край топа і пацягнула яго долу.
Дзяўчына сказала, што гэтае здарэнне прымусіла ўсіх рассмяяцца. А гаспадар жывёлы мяркуе, што макака шукала сабе груднога малака.
