У Варшаве пройдзе акцыя ў падтрымку Аўтуховіча

Пачнецца яна а 16-й па польскім часе каля помніка Каперніку (а 18-й па беларускім).  

Мікалай Аўтуховіч — беларускі прадпрымальнік, палітычны актывіст, палітвязень. Сёння за кратамі ён адзначае свой 51-ы дзень народзінаў.

Першы раз Аўтуховіча арыштавалі ў кастрычніку 2005 года, абвінаваціўшы ў нявыплаце падаткаў. Тады яго асудзілі на тры з паловай года. Ён быў адным з шасці палітвязняў, вызваленых у выніку санкцый ЗША і Еўрасаюза.

Другі раз Аўтуховіча арыштавалі 8 лютага 2009 года. За перавозку і захоўванне пяці патронаў да паляўнічай вінтоўкі Вярхоўны суд прызнаў яго вінаватым у незаконных дзеяннях з боепрыпасамі і прысудзіў да пяці гадоў двух месяцаў пазбаўлення волі ва ўмовах строгага рэжыму.

Праваабаронцы прызналі Аўтуховіча палітвязнем, асуджаным за актыўную грамадскую дзейнасць і барацьбу з карупцыяй. Выйсці на волю ён павінен сёлета ў красавіку.

Фота — nn.by