У Венецыі аўтобус з турыстамі ўпаў з эстакады, загінулі дзясяткі людзей
Аўтобус ўпаў з вышыні дзесяці метраў / Reuters
3 кастрычніка ў Венецыі аўтобус з турыстамі ўпаў з эстакады з вышыні 10 метраў, закрануўшы лінію электраперадачы, і загарэўся (па некаторых звестках, ён працаваў на метане, таму пасля ўдару імгненна адбылося ўзгаранне). Загінуў 21 чалавек, 18 атрымалі траўмы. Некалькі з параненых знаходзяцца ў крытычным стане, паведамляе Reuters.
Сярод загінулых ёсць грамадзяне Італіі, Германіі і Украіны (4 чалавекі). Загінулі некалькі дзяцей.
У аўтобусе таксама былі грамадзяне Францыі і Харватыі.
Прычына аварыі пакуль невядомая. Кіроўцам быў 40-гадовы італьянец, які таксама загінуў.
У Венецыі аб'явілі жалобу.
