У вёсцы пад Магілёвам на пажары загінула 4 чалавекі
У вёсцы Вейна пад Магілёвам на пажары загінула чатыры чалавекі. Як перадае прэс-служба Магілёўскага абласнога ўпраўлення МНС, здарэнне адбылося ў ноч на нядзелю — загарэўся аднапавярховы драўляны дом.
На момант прыбыцця пажарных, дом гарэў адкрытым полымем. Выратавальнікі знайшлі ў ім труп гаспадыні, пенсіянеркі 1957 года нараджэння, яе сужыцеля 1963 года нараджэння, а таксама непрацуючага сына, мужчыны 1978 года нараджэння. Таксама на пажары быў выяўлены труп яшчэ адной жанчыны, асоба якой вызначаецца.
Жыхары дома характарызаваліся станоўча і не стаялі на ўліку ў міліцыі. Дом не быў абсталяваны аўтаномным пажарным спавяшчальнікам. Прычыны ўзгарання высвятляюцца.
