У зале харэаграфіі ў Лукашэнкі загразлі ногі ў бетоне (фота)

У зале харэаграфіі ў Аляксандра Лукашэнкі загразлі ногі ў бетоне. Гэта відаць на фотаздымках БЕЛТА. Кіраўнік дзяржавы так захапіўся працай, што на гэта не звярнуў увагі. 22 красавіка Лукашэнка паўдзельнічаў у рэспубліканскім суботніку. Ён працаваў на будаўніцтве Цэнтра алімпійскай падрыхтоўкі па мастацкай гімнастыцы, які ўзводзіцца на праспекце Пераможцаў у Мінску.

Як інфармуе прэс-служба кіраўніка дзяржавы, Лукашэнка працаваў у складзе брыгады ў зале харэаграфіі. Там бетаніравалі маналітную падлогу. Аляксандр Лукашэнка паставіў задачу завяршыць будаўніцтва цэнтра да сакавіка 2018 года. “Усё павінна быць функцыянальна, нічога лішняга”, — сказаў ён.