У Жлобіне невядомы падстрэліў коціка з арбалета
Ката падстрэлілі з арбалета / Калаж Еўрарадыё
У Жлобіне невядомы падстрэліў ката з арбалета. Пра гэты выпадак распавёў ветэрынар, да якога прывезлі хатняга гадаванца.
Спярша ён падумаў, што ў ката стрэлілі камунальнікі — і папрасіў неадкладна даставіць яго ў клініку, бо на дроціку мог быць таксін. Але высветлілася, што ў баку ў жывёлы тырчала 17-сантыметровая страла з арбалета, якая прабіла яму абодва лёгкія.
Коцік ідзе на папраўку, а міліцыя ўжо шукае жывадзёра. За гвалт у дачыненні да жывёлаў прадугледжаная крымінальная адказнасць.
UPD: Увечары 15 чэрвеня кот памёр.
