У ЗША пішуць пра 2,4 млн тон нафты, якія ў 2020-м хочуць купіць беларусы

У сераду  першы намеснік прэм'ер-міністра нашай краіны Дзмітрый Крутой заявіў, што на сённяшні дзень Беларусь не заключала кантрактаў на пастаўкі нафты з ЗША. Аднак як піша амерыканскае выданне The Daily Beast са спасылкай на неназваных чыноўнікаў, "беларуская нафтавая кампанія падпісала рамачнае пагадненне" з фірмай з Паўночнай Дакоты, якая займаецца гандлем нафтай. У ім гаворыцца пра планы пакупкі ў 2020 годзе да 18 мільёнаў барэляў нафты. Гэта 2,4 млн тон.

Шмат гэта ці мала? Для параўнання — з Расіі Беларусь у студзені мусіла атрымаць 2 млн тон, а атрымала 500 тысяч. Атрымліваецца, што не шмат. Узнікае пытанне, якім чынам будзе арганізаваная пастаўка. Адзін танкер паставіў у студзені сёлета менш за 90 тон нарвежскай нафты для Беларусі. Каб перавезці 2,4 млн тон нафты з ЗША, спатрэбіцца 27 такіх танкераў.

Праўда, згаданае амерыканскае выданне піша, што здзелка можа не адбыцца. Але ўжо сам факт такіх перамоў называюць "сігналам Маскве".