Уцекачы з Ірака тры дні не могуць пакінуць мінскі аэрапорт
Сям'я ўцекачоў з Ірака піша ў Фэйсбуку, што ўжо тры дні не можа пакінуць тэрыторыю мінскага аэрапорта. Людзі "п'юць ваду з прыбіральняў", "спяць на крэслах і на падлозе".
Па словах іракцаў, турыстычная кампанія, якая адправіла іх у Беларусь, пераблытала даты ў запрашэнні. Таму ў аэрапорце ім адмовіліся ставіць уязныя беларускія візы. Іракцы просяць дапамогі ў гуманітарных арганізацый, якія працуюць у Мінску.
На фота, прыкладзеным да паведамлення, — як мінімум пяцёра дзяцей.
