Уладзімір Макей наведае з працоўным візітам Расію
Уладзімір Макей наведае з працоўным візітам Расію. Кіраўнік МЗС Беларусі прыме ўдзел у сумесным пасяджэнні калегій знешнепалітычных ведамстваў дзвюх краін у Маскве. Пра гэта 31 траўня заявіла на брыфінгу афіцыйная прадстаўніца МЗС Расіі Марыя Захарава. Яна адзначыла, што візіт Макея адбудзецца на запрашэнне міністра замежных спраў Расіі Сяргея Лаўрова. Ён адбудзецца напярэдадні святкавання 25-годдзя з часу ўстанаўлення дыпламатычных адносін паміж Беларуссю і Расіяй, інфармуе БЕЛТА.
Макей не толькі прыме ўдзел у пасяджэнні калегій МЗС, але і правядзе перамовы з Лаўровым.
