Уначы ў суботу ў Беларусі чакаецца да 15 марозу
29 лістапада ў нашай краіне будзе воблачнае з праясненнямі надвор'е.
У суботу ў Беларусі прагназуецца невялікі снег, на асобных участках дарог магчымая галалёдзіца. Вецер будзе паўночна-ўсходнім, 3-8 метраў за секунду.
Тэмпература паветра ў начныя гадзіны складзе 6-11 марозу, пры праясненнях будзе ад 12 да 15 градусаў ніжэй за нуль. У дзённыя гадзіны прагназуецца мінус 3-8 градусаў, інфармуе БЕЛТА.
Тэлеканал "Беларусь 1" дадае, што такое ж надвор'е чакаецца і ў пачатку наступнага тыдня.
