Унучка Сталіна выклала ў сацсеткі свае фоткі ў вобразе панка (фота)
Фатаздымкі 43-гадовай амерыканкі Крыс Эванс (Evans Chrese) выклікалі фурор у расійскіх карыстальнікаў інтэрнэту. Фота жанчыны ў панкаўскім вобразе шакавала іх тым, што яна — родная ўнучка Іосіфа Сталіна. На фотаздымках, якія сама Эванс выклала яшчэ ў студзені 2016 года, яна паказаная з цацачным аўтаматам, у падраных калготках, з часткова выгаленай галавой і ярка размаляваным тварам.
Эванс жыве ў Портлендзе і кіруе крамай. Яе маці Святлана Алілуева, родная дачка Сталіна, у 1970 годзе выйшла замуж за грамадзяніна ЗША і ўзяла імя Лана Пітэрс. Ад гэтага шлюбу і нарадзілася Крыс.
