Ва Украіну прыехалі прэзідэнты Літвы і Польшчы
Анджэй Дуда ў Кіеве / https://twitter.com/prezydentpl
Ва Украіну прыехалі прэзідэнты Літвы і Польшчы. Візіт Гітанаса Наўседы і Анджэя Дуды не анансаваўся.
Наўседа падкрэслівае, што прыехаў у Кіеў напярэдадні саміту NATO ў Вільні. Прэс-служба польскага прэзідэнта таксама адзначае, што "будзе абмяркоўвацца тэма падрыхтоўкі да ліпеньскага саміту NATO". На сустрэчы з украінскім прэзідэнтам Уладзімірам Зяленскім будуць і "кансультацыі з нагоды цяперашняй сітуацыі на фронце, у тым ліку пагрозы расійскага тэракту на Запарожскай АЭС". Можна чакаць, што прэзідэнты пагавораць і пра сітуацыю ў Беларусі: пра расійскую ядзерную зброю і вагнераўцаў.
Візіт прэзідэнтаў Літвы і Польшчы прымеркаваны да святкавання Дня Канстытуцыі Украіны.
Arrived in Kyiv ahead of the #NATO summit in Vilnius with one main message - Ukraine's place is in NATO. pic.twitter.com/1HLdB57Xzl
— Gitanas Nausėda (@GitanasNauseda) June 28, 2023
