Выбары ва Украіне – якія магчымасці адкрываюцца перад Беларуссю?
На выбарах у Вярхоўную Раду Украіны пераканаўчую перамогу атрымала партыя паплечнікаў Уладзіміра Зяленскага. Упершыню ў гісторыі незалежнай Украіны адна палітычная сіла займела парламенцкую большасць.
Ці мае значэнне для Беларусі расклад сіл у парламенце суседняй краіны? Ці здолее Мінск наладзіць годныя палітычныя і эканамічныя стасункі з новымі ўкраінскімі ўладамі? Ці здолеюць украінскія ўлады дасягнуць мірнага ўрэгулявання канфлікту на Данбасе і якая можа быць у гэтым роля Беларусі? Прапанаваная Зяленскім сустрэча ў Мінску пашыранага Нармандскага фармату – наколькі гэта рэальна?
На гэтыя ды іншыя пытанні ў жывым эфіры Еўрарадыё адказвае аналітык украінскага Інстытута будучыні Ігар Тышкевіч.
