Як пасля апраўдання спагнаць кампенсацыю за ўтрыманне ў СІЗА? (відэа)
Суд адмовіў у задавальненні іску аб маральнай кампенсацыі былым фігурантам “справы патрыётаў”. Падставай для такога рашэння стаў аргумент прадстаўніка Мінфіна, што, маўляў, спыненне крымінальнай справы не даказвае, што дзеянні органаў, якія справу вялі, былі незаконнымі.
Ці рэальна ўвогуле дамагчыся ад дзяржавы кампенсацыі маральнай шкоды ў выпадку, калі віна не даказаная, а справа супраць падазраванага спыненая? Ці азначае гэта, што знаходжанне нават невінаватага чалавека ў СІЗА дзяржава лічыць законным? Што трэба зрабіць, якія дакументы сабраць, каб кампенсацыі ўсё ж дамагчыся?
На гэтыя ды іншыя пытанні ў жывым эфіры Еўрарадыё адказвае юрыст Беларускага Хельсінскага камітэту Гары Паганяйла.
