Янчук: пабудаваць дом, дзе галоўным будзе дыялог, — мая ідэя
26 лістапада ў эфіры Еўрарадыё — доктар псіхалагічных навук прафесар Уладзімір Янчук.
Проста цяпер беларусы пачынаюць будаўніцтва свайго новага дома, новай Беларусі. І вельмі важна, каб гэты дом быў “дыялогавы”, кажа Уладзімір Янчук. Кожны будучы жыхар гэтага новага дома мусіць мець права, быць далучаным да гэтага будаўніцтва, права пакласці сваю, хай і невялічкую, цаглінку. У гэтым доме ўсе пытанні павінны вырашацца шляхам дыялогу, шляхам пошуку паразумення.
Пра тое, як зрабіць так, каб гэты новы дом быў моцным і ўстойлівым, а таксама пра тое, чаму будаўніцтва такога “дыялогавага дома” беларусы распачалі толькі цяпер, а таксама пра тое, на якой мове ў тым доме будуць размаўляць, мы і разважаем у чарговым выпуску "Ідэі Х" з Уладзімірам Янчуком.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Набыць кнігу "Беларуская нацыянальная ідэя" можна тут
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
Нацыянальная ідэя
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
