Забарона прадаваць долі ў беларускіх бізнесах не страшная: іх кошт "каля нуля"

— Калі б я быў невялікай кампаніяй, зрабіў бы так на працягу месяца і пакінуў бы беларускаму ўраду пустышку — забірай.

Так зрабіць нельга таму ж Henkel. Ён ніколі так не зробіць. Гэта кампанія, якая напэўна збіраецца прысутнічаць на рынку доўга. У яго ёсць вытворчыя актывы, цяжкае абсталяванне. І адпаведна, яно будзе ўступаць у размову з беларускай дзяржавай, захоўваць сябе ўнутры.

Яшчэ адзін аргумент — прадпрыемства можна хутчэй знішчыць, чым зрабіць каштоўнасцю ў Беларусі ў бягучых умовах.

— Аддай сёння Henkel беларускай дзяржаве. Ён праз тры месяцы прыйдзе прасіць. Як з Мотавелазаводам было: уласнасці на 70 мільёнаў, а праз паўгода "дайце нам яшчэ 57 мільёнаў".

Таму гучыць гэта жахліва, а калі падкапаешся, глупства атрымліваецца поўнае і не так страшна, як здаецца.

Самае страшнае, што сёння ёсць, — гэта вайна. Пасля вайны — падзенне эканомікі, якое ўжо пачалося. У траўні было падзенне ВУП на 8,5%. Гэта рэчы, якія страшныя, а вось гэтая гісторыя цікавая з пункту гледжання таго, каб пакапацца, хто ж там у заснавальніках, — рэзюмуе Аляксандр Кныровіч.