Закрываецца мінская культурная прастора "Вершы"
"Праект... прыйшоў да свайго лагічнага завяршэння" / instagram.com/vershy.19
Закрываецца мінская культурная прастора і бар "Вершы" (яна знаходзілася на Кастрычніцкай, 19 з 2021 года). Пра гэта яе каманда паведаміла ў Instagram. "Сябры, хочам паведаміць вам, што ўсімі любімы праект "Вершы" прыйшоў да свайго лагічнага завяршэння, — піша яна. — Было ўкладзена шмат сіл, энергіі, любові. Колькі ж усяго за гэты час адбылося: нерэальна вялікая колькасць музычных вечароў, цудоўныя і займальныя арт-сторы, сотні гадзін прагледжаных фільмаў, цікавыя лекцыі і па-сапраўднаму крутыя майстар-класы".
Пра прычыну закрыцця не паведамляецца. Каманда абяцае расказаць "усе падрабязнасці крыху пазней". А пакуль анансуе развітальную вечарыну, але ўжо ў іншым месцы.
