Затрымалі кіраўніцу хору БДУ — адмовілася выступаць на акупаваным Данбасе
Вольга Мінянкова / facebook.com/capellaBSU
Затрымалі кіраўніцу народнай харавой капэлы БДУ Вольгу Мінянкову. Відэа з ёй з'явілася ў адным з праўладных тг-каналаў. На ім Мінянкова кажа, што летась ёй прапанавалі выступіць на акупаваным расіянамі Данбасе. Але яна адмовілася, "адправіўшы ўслед за рускім караблём". Затрыманая кажа, што "прытрымлівалася БЧБэшных поглядаў".
У чым менавіта абвінавачваюць Вольгу Мінянкову і які яе цяперашні статус, невядома.
Вольга Мінянкова — кампазітар, харавы дырыжор, лаўрэат міжнародных конкурсаў, арт-дырэктар Міжнароднага форуму маладзёжных і студэнцкіх хораў "Папараць-кветка БДУ".
У Беларусі працягваюцца затрыманні ўсіх, хто выказвае падтрымку Украіне.
