Жыхарам Краснаярска, якія выступаюць супраць вайны, зафарбавалі вокны
Жыхарам расійскага Краснаярска, якія выступаюць супраць вайны ва Украіне, зафарбавалі вокны — каб ніхто не пабачыў іх антываенныя плакаты і ўкраінскі сцяг. Адбылося гэта ўвечары 14 чэрвеня. Як піша ngs24.ru, хтосьці "прасігналіў" пра акцыю ў вокнах шматкватэрнага дома. Камунальныя службы не разгубіліся — прыгналі аўтавышку і проста зафарбавалі часткі вокнаў белай фарбай, каб сцяг і плакаты не былі бачныя.
