Жыхар Бярозы патлумачыў няяўку ў ваенкамат тым, што "баяўся лекараў"
Суд у ваенкамаце ў Бярозе / bereza.by
У Бярозе ў Брэсцкай вобласці ў будынку ваенкамата судзілі 18-гадовага хлопца, які ўхіліўся ад прызыву ў войска. Вясной ён не прыйшоў на медасведчанне, была распачатая крымінальная справа. Як піша раённая газета, малады чалавек патлумачыў няяўку ў ваенкамат тым, што "баяўся лекараў". Суд Бярозаўскага раёна аштрафаваў яго на 4800 рублёў.
Суды над "ухілістамі" праходзяць па ўсёй краіне, аднак гэта ці не першы выпадак, калі прызыўнік патлумачыў сваю няяўку страхам перад медаглядам.
