12-гадовы Рома, які выратаваў брата ў пажары, ужо глядзіць мульцікі
У палаце Ромы / Міністэрства аховы здароўя
12-гадовы Рома Кагадоўскі, які выратаваў свайго брата пры пажары, прыйшоў у сябе, але дыхае праз апарат штучнай вентыляцыі лёгкіх. Стан хлопчыка па-ранейшаму цяжкі, паведамляе Міністэрства аховы здароўя.
З Раманам пастаянна побач мама. Яна чытае яму кнігі. Хлопчык часам глядзіць мульцікі.
У Міністэрстве аховы здароўя пішуць, падчас аперацый яму праводзілася мясцовае лячэнне апёкавых ран, лекары выдалялі пацярпелыя абпаленыя тканіны з ужываннем сучасных тэхналогій.
Здарэнне адбылося 28 красавіка ў вёсцы Сідаравічы. Калі пачаўся пажар, Раман спачатку спрабаваў яго патушыць, а потым схапіў малодшага брата, вынес яго на вуліцу, перадаў дарослым і страціў прытомнасць. З апёкамі і парэзамі яго забралі ў раённую бальніцу, а потым на верталёце перавезлі ў Рэспубліканскі апёкавы цэнтр БХМД.
