15 гадоў таму памёр Генадзь Карпенка
Ён увайшоў у гісторыю Беларусі як навуковец і палітык, дэпутат Вярхоўнага Савету 12 і 13 склікання.
У 1996 годзе Карпенка, тагачасны намеснік старшыні Вярхоўнага Савету, кіраваў працэсам імпічменту прэзідэнта Аляксандра Лукашэнкі. У 1998 годзе стаў на чале Нацыянальнага выканаўчага камітэту, створанага перад заканчэннем легітымнага тэрміну кіравання Лукашэнкі. Лічыўся адным з лідараў апазіцыі і найбольш верагодным кандыдатам на наступных прэзідэнцкіх выбарах.
Генадзь Карпенка раптоўна памёр на 50-м годзе жыцця 6 красавіка 1999 года — у лякарні, пасля выдалення гематомы. Смерць палітыка была нечаканай, бо перад гэтым ён ніколі не скардзіўся на дрэннае здароўе.