200 тысяч чалавек адмовіліся перапісвацца

200 тысяч чалавек адмовіліся ўдзельнічаць у перапісе насельніцтва, які прайшоў у Беларусі ў кастрычніку 2019 года. Яны былі дома, адкрылі перапісчыку дзверы — але не паведамілі яму свае дадзеныя.

Тым не менш, Белстат знайшоў спосаб атрымаць дакладныя дадзеныя. Па словах старшыні Нацыянальнага статыстычнага камітэта Іны Мядзведзевай, звесткі пра кватэры, у якіх жывуць "адмаўленцы", былі перададзеныя ў АРІП. Там іх зверылі з фактычным спажываннем вады і электраэнергіі і такім чынам атрымалі патрэбную статыстыку.

Агулам перапіс прайшло 95% насельніцтва. 22% з іх — па інтэрнэце, 28% — на перапісных пунктах, 48% — дома. Яшчэ 2% — "адмаўленцы".

Таксама былі людзі, якія паведамлялі заведама несапраўдныя імёны, прозвішчы і іншыя анкетныя дадзеныя. Па словах Іны Мядзведзевай, такія анкеты адбракоўваліся: "121-гадовых жыхароў Беларусі ў нас па выніках перапісу няма".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.