30 сакавіка з Беларусі ў Польшчу спрабавалі трапіць 99 нелегальных мігрантаў
За 30 сакавіка на тэрыторыю Польшчы з Беларусі нелегальна спрабавалі трапіць 99 мігрантаў, паведамляе прэс-служба польскіх памежнікаў.
Гаворка ідзе пра грамадзян Ірака, Емена і Сенегала.
Каля Чарэмхі мяжу нелегальна перашла група з 30 замежнікаў. Як кажуць у польскай Памежнай службе, беларускія памежнікі кідаліся камянямі і сляпілі польскія патрулі.
Некалькі дзён таму беларускія ўлады зачынілі пункт для мігрантаў у лагістычным цэнтры "Брузгі". Пасля гэтага павялічылася колькасць спробу нелегальнага пераходу мяжы.
