4-ы пакет еўрапейскіх санкцый па Беларусі можа быць адкладзены да чэрвеня
Чацвёрты пакет еўрапейскіх санкцый па Беларусі можа быць адкладзены да чэрвеня. Пра гэта ў Twitter напісаў еўрапейскі аглядальнік Радыё Свабодная Еўропа/Радыё Свабода Рыкард Юзвяк. Раней паведамлялася, што чацвёрты пакет можа быць разгледжаны 10 траўня паседжанні Савета ЕС па знешніх справах. Аднак высвятляецца, што да гэтага дня ён не будзе гатовы і таму адкладваецца.
the EU's 4th sanctions package on #Belarus won't be ready ahead of the EU foreign affairs meeting on 10 May. possibly for the June meeting when Belarus is a full point on the agenda. still no clarity on whether a group of EU member states or EEAS will propose the package
— Rikard Jozwiak (@RikardJozwiak) May 4, 2021
Раней ЕС прыняў тры пакеты санкцый супраць афіцыйнага Мінска. Пад іх трапіў шэраг кампаній і дзясяткі чыноўнікаў, сілавікоў. У "чорным спісе" і Аляксандр Лукашэнка. Праз месяц пачнуць дзейнічаць адноўленыя санкцыі ЗША супраць беларускіх прадпрыемстваў.
4 траўня пытанне санкцый абмяркоўвалі Аляксандр Лукашэнка і прэм'ер Раман Галоўчанка. Па словах Лукашэнкі, гэта "спроба запалохаць Беларусь санкцыямі" і на яе трэба адказваць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
