66 чалавек асудзілі ў Беларусі пасля вяртання з-за мяжы
Беларусь за калючым дротам / Reuters
Як мінімум 66 чалавек асудзілі па палітычных крымінальных справах пасля вяртання ў Беларусь з-за мяжы. Пры гэтым праваабаронцам вядома не пра ўсё выпадкі затрыманняў і палітычнага пераследу. Таму лічба можа быць большая, піша "Вясна".
Са згаданых людзей за кратамі знаходзяцца як мінімум 36 чалавек. Найбольшы тэрмін (11 гадоў калоніі) прызначылі Яраславу Саковічу, які вярнуўся ў Беларусь у 2021 годзе з-за хворых бацькоў. Вядома, што некаторых з затрыманых накіроўваюць на прымусовае лячэнне ў псіхіятрычным стацыянары. Так зрабілі ў выпадку Нэлі Алфёравай, асуджанай за "абразу прадстаўніка ўлады".
