Ад раку памерла 23-гадовая грамадская актывістка Эльміра Левандоўская
Пра гэта паведаміў у сваім фэйсбуку грамадскі актывіст Павел Юхневіч.
Эльміру Левандоўскую многія ведалі па маўклівых акцыях пратэсту 2011 года. Там яна была вядомая як Дамініка. Дзяўчына была адной з тых, хто штодня дзяжурыў каля ЦІП на Акрэсціна або жодзінскай турмы, пакуль там адбывалі арышт палітычныя.
Таксама яна ўдзельнічала ў групе маладых людзей, якія арганізавалі забеспячэнне перадачаў асуджаным удзельнікам акцый.
