Актывіста БСДП у Лунінцы затрымлівалі 15 узброеных чалавек

У Лунінцы 12 лютага затрымалі былога сябра ЦК Беларускай сацыял-дэмакратычнай партыі (Грамада) Анатоля Прышчыка, паведамляе тг-канал партыі.

"А 17-й гадзіне прыехаў вялізны чорны бус, з яго выпрыгнулі 15 амбалаў са зброяй. І кінулі 74-гадовага дзядульку тварам аб зямлю", — напісалі ў сацсетках сваякі затрыманага.

Ноч Анатоль Прышчык правёў у ізалятары. Верагодна, сёння яго будуць судзіць.

Паведамляецца, што яго вінавацяць па адміністрацыйнай справе за "распаўсюд экстрэмізму" (ч. 2 арт. 19.11 КаАП).

Анатоль Прышчык неаднаразова быў назіральнікам падчас выбараў.