Апазнаныя міліцыянты, якія катавалі на марозе ўкраінца (відэа)
Апазнаў іх былы кіраўнік міліцыі Кіева Віталь Ярэма.
Па яго словах, якія перадае uainfo.org, Міхаіла Гаўрылюка на вуліцы Грушэўскага катавалі байцы спецпадраздзялення "Амега" з Новых Петроўцаў.
Ярэма кажа, што падраздзяленне "Амега" выконвае функцыі па барацьбе з тэрарызмам, з арганізаванай злачыннасцю. Супрацоўнікаў падраздзялення ён апазнаў на відэа.
Ён назваў сілавікоў, якія здзекваліся з Гаўрылюка, адкідамі ды фашыстамі і дадаў, што іх трэба судзіць.
Як паведамляла Еўрарадыё, сілавікі злавілі пратэстоўца, распранулі яго і вывелі голым на мароз.
