Апекуны падлетка, знойдзенага павешаным у летніку, не вераць у самагубства
Цела хлопчыка забралі на паўторную судова-медыцынскую экспертызу. Хаця 23 ліпеня мусіла адбыцца пахаванне.
Нагадаем, што 11-гадовага хлопчыка некалькі дзён таму знайшлі ў пятлі на тэрыторыі дзіцячага летніка ў Стаўбцоўскім раёне.
Прыёмныя бацькі хлопчыка заявілі, што не вераць, быццам ён мог учыніць самагубства. Па іх словах, якія перадае interfax.by, ён "быў набожным хлопчыкам і не мог так зрабіць".
Следства не паведамляе пра самыя верагодныя версіі смерці падлетка. Ва ўпраўленні Следчага камітэта па Мінскай вобласці кажуць, што "адпрацоўваюцца ўсе версіі".
Фота — timeszp.com