Бамбіць Гомель: ці пойдзе на гэта Кіеў, калі Пуцін нападзе з боку Беларусі?
У Лукашэнкі атрымалася звярнуць на сябе ўвагу Белага дома: ЗША папярэдзілі ўлады Беларусі, каб і не думалі ўдзельнічаць у магчымай атацы Расіі на Украіну. Тым часам у Беларусь для ўдзелу ў сумесных беларуска-расійскіх вучэннях "Саюзная рашучасць — 2022" працягваюць прыбываць расійскія вайскоўцы і сур’ёзная тэхніка кшталту ракетных комплексаў С-400 і найноўшых знішчальнікаў Су-35с. Паведамляецца, што Украіна перадыслакуе дадатковыя вайсковыя сілы да беларускай мяжы.
Як ва Украіне ацэньваюць магчымасць нападу расійскіх войскаў, і асабліва — з тэрыторыі Беларусі ў напрамку Кіева? Ці бачаць за антыўкраінскай рыторыкай Лукашэнкі гатоўнасць да рэальных дзеянняў? Ці ёсць што супрацьпаставіць такім дзеянням і ці гатовы Кіеў “бамбіць Гомель”? На гэтыя ды іншыя пытанні адказвае намеснік дырэктара ўкраінскага Цэнтра даследавання войска, канверсіі і разбраення Міхаіл Самусь.
