Беларусам і расіянам забаранілі ўдзельнічаць у Бостанскім марафоне
Беларусам і расіянам забаранілі ўдзельнічаць у Бостанскім марафоне. За выключэннем тых спартсменаў, якія жывуць за мяжой. Але яны не змогуць выкарыстоўваць сцягі сваіх краін.
Пра тое, што спартсменаў, якія жывуць у Беларусі і Расіі, і зарэгістраваліся для ўдзелу ў сёлетнім Бостанскім марафоне, не дапусцяць да спаборніцтваў, паведамляюць яго арганізатары. Яны называюць прычыну — агрэсія Расіі супраць Украіны (Беларусь — саюзнік РФ). Арганізатары нават абяцаюць паспрабаваць вярнуць беларусам і расіянам унёскі за ўдзел, калі гэта дазволяць уведзеныя санкцыі.
Бостанскі марафон праводзіцца з канца XIX стагоддзя. У 2022 годзе ён пройдзе 18 красавіка.
Russian and Belarusian citizens who were accepted into the 2022 Boston Marathon or 2022 B.A.A. 5K as part of the open registration process but are not residents of either country, will be able to compete however they will not be able to run under the flag of either country.
— Boston Marathon (@bostonmarathon) April 6, 2022
