Беларуская афіцыйная прапаганда не можа без "фюрэраў"

Сённяшні нумар галоўнага афіцыйнага выдання сталічнай вобласці "Мінская праўда" прыцягвае ўвагу сваёй першай старонкай. На ёй фота Святланы Ціханоўскай і Аляксея Навальнага, а пад імі вялізны загаловак "Фюрэры апазіцыі". Не можа беларуская афіцыйная прапаганда без "фюрэраў".

"Мінская праўда" папярэджвае, што "Ціханоўскую могуць вярнуць у Беларусь для актывізацыі затухаючых пратэстаў", а "Навальнага, па схеме, адпрацаванай у Беларусі, заменіць яго жонка Юлія". "Немцы выкарыстоўваюць сваіх маленькіх фюрэраў дзеля дэструктыўнай дзейнасці ў нашай Саюзнай дзяржаве", — гэта таксама цытата з гэтага нумару.

Цікава, што ў "Мінскай праўдзе" няма публікацыі "Фюрэры апазіцыі". Такі загаловак змясцілі толькі на першую старонку.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.