Беларуская чыгунка зніжае кошты на квіткі на цягнікі ў Расію

Беларуская чыгунка з 5 па 10 студзеня зніжае кошты на квіткі на асобныя цягнікі ў Расію. Пра гэта паведамляецца на афіцыйным сайце БЧ. 

Зніжка на агульны кошт праезду складзе ад 30% на цягнік №131 Масква-Брэст. Квіткі са зніжкай можна будзе купіць на вольныя месцы пры ўмове іх афармлення за трое сутак і менш (з улікам даты адпраўлення). 

Таксама зніжка да 10% будзе дзейнічаць на квіткі на цягнік №1 Масква-Мінск адпраўленнем 6 і 7 студзеня 2019 года.