Беларусы затрымалі расіян, якія вярталіся з Чэхіі з марыхуанай і пісталетам

Беларусы затрымалі сям'ю расіян, мужа і жонку, якія вярталіся з Чэхіі на радзіму з марыхуанай і траўматычным пісталетам. Як паведамляе прэс-служба Дзяржаўнага памежнага камітэта Беларусі, здарэнне адбылося 20 ліпеня ў аўтадарожным пункце пропуску "Брэст". Правяраўся аўтамабіль "Фольксваген", калі службовыя сабакі зрэагавалі на наркотыкі. Былі знойдзены 54 пакецікі з невядомым рэчывам. Іх адправілі на экспертызу. У адным з іх адразу ж выявілі марыхуану.

Таксама ў машыне знайшлі траўматычны пісталет і тры патроны да яго.

Па факце незаконнага перамяшчэння праз мяжу наркотыкаў распачата крымінальная справа. Замежнікам пагражае ад 5 да 10 гадоў пазбаўлення волі з канфіскацыяй маёмасці.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.