"Белпошта" кажа, што кібермахляры робяць рассылку ад яе імя
"Белпошта" / 1prof.by
Кібермахляры рассылаюць паведамленні ад імя "Белпошты", паведамляе ведамства.
У паведамленні змяшчаецца фальшывая інфармацыя пра пасылку і прапануецца перайсці на фішынгавы рэсурс для далейшых дзеянняў — напрыклад, аплаты паслугі.
"УП "Белпошта" не рассылае падобныя паведамленні. Будзьце асабліва ўважлівыя пры пераходзе па спасылках. Як правіла, зламыснікі выкарыстоўваюць іх для накіравання на падробленыя інтэрнэт-старонкі з мэтай заражэння прылад шкоднасным праграмным забеспячэннем і завалодання персанальнымі данымі", — заяўляюць у "Белпошце".
У ведамстве папярэджваюць, што часцей за ўсё праз такія старонкі махляры выкрадаюць рэквізіты плацежных картак, каб здымаць грошы з рахункаў.
