Бізнесоўца, што займаўся стаматалагічным абсталяваннем, асудзілі да калоніі
Сяргей Юнчыц / сацсеткі Сяргея Юнчыца
Палітзняволенага бізнэсоўца Сяргея Юнчыца асудзілі да пяці гадоў калоніі, піша "Наша Ніва".
Пяцідзесяцігадовы прадпрымальнік да 2023 года кіраваў сямейнай кампаніяй "Юніко-дэнтал", якая займаецца пастаўкамі стаматалагічных матэрыялаў, інструментаў і абсталявання. Мужчына нарадзіўся ў вёсцы Падвосце Жыткавіцкага раёна, бізнесам займаўся з 90-х гадоў. Яго затрымалі ў студзені падчас рэйду КДБ.
Сяргея судзілі ў Мінскім абласным судзе. Яго абвінавачвалі паводле артыкулаў аб фінансаванні экстрэмісцкай дзейнасці і садзейнічанні экстрэмісцкай дзейнасці.
