Чакаць паводку? Ці прыйдуць залевы з Цэнтральнай Еўропы ў Беларусь
Паводка ў Румыніі / AFP
Моцныя залевы праз цыклон "Барыс" прывялі да сапраўднай паводкі ў шэрагу гарадоў Чэхіі, Польшчы, Румыніі і Аўстрыі. Цэнтральная Еўропа ўжо сур'ёзна пацярпела ад непагадзі, але пакуль лягчэй не становіцца: напрыклад, у польскім Уроцлаве ўдару стыхіі чакаюць да аўторка.
@euroradio.lite Вялікая вада ў Польшчы. @euroradio зафіксавала, што адбывалася гэтай ноччу ў горадзе Ныса, які сыходзіць пад ваду. #nysa #навіны #навіныпольшча #новостипольша ♬ original sound - Еўрарадыё.Лайт
Нягледзячы на тое, што сур'ёзныя дажджы закранулі 14 верасня і Брэст, не падобна, што цэнтральнаеўрапейскі цыклон ударыць па Беларусі. На сёння метэаралагічныя карты і сэрвісы паказваюць, што "Барыс" застаецца над Польшчай, і да рэспублікі не дойдзе.
Прагноз на першую палову дня 16 верасня
Белгідрамет таксама не чакае прыходу залеў у Беларусь.
