Дэпутат, якога шукаюць ва Украіне, зляцеў на самалёце беларускага алігарха?
Дэпутат Вярхоўнай Рады Украіны Тарас Козак, якога на радзіме абвесцілі ў вышук, зляцеў на самалёце, якім карыстаецца беларускі алігарх Мікалай Варабей. Напрыканцы лютага ён накіраваўся ў Мінск, а потым — у Маскву. Пра гэта паведамляюць "Схемы".
Пра тое, што Козак нібыта знаходзіцца ў Беларусі "на лячэнні", заявіў ягоны аднапартыец (фракцыя "Апазіцыйная платформа — За жыццё") Віктар Медзвядчук. Ён, дарэчы, таксама падазраецца ў "дзяржаўнай здрадзе".
Еўрарадыё раней распавядала аб шчыльных сувязях згаданых украінскіх дзеячоў з беларускім алігархам Мікалаем Вараб'ём.
