Двое беларусаў упершыню атрымалі пашпарты замежнікаў у Аўстрыі
Пашпарт замежніка ў Аўстрыі / t.me/PEofBelarus
У Аўстрыі ўпершыню пашпарты замежнікаў выдалі беларусу і беларусцы, паведамляе тг-канал "Народныя амбасады Беларусі".
У Народнай амбасадзе Беларусі ў Аўстрыі кажуць, што раней такой практыкі для нашых суграмадзян не было, бо можна было звярнуцца ў амбасаду. А ў рэдкіх выпадках даказанага пераследу беларусы атрымлівалі статус уцекачоў.
"Аднак, як падкрэсліў суддзя, хадайніцтва аб міжнароднай абароне з'яўляецца правам кожнага грамадзяніна, а не неабходнай ўмовай, каб даказаць небяспеку вяртання ў краіну паходжання", — кажуць у Народнай амбасадзе.
Таксама сёння стала вядома, што першы пашпарт замежніка быў выдадзены грамадзяніну Беларусі ў Швецыі.
