Фруктовы лёд і басейн: як жывёлы ратуюцца ад спёкі ў беларускім заапарку

Пастаяльцам Гродзенскага заапарка дапамагаюць справіцца са спякотай халоднае марозіва і рэгулярныя водныя працэдуры. Прычым душ гэтымі днямі прымаюць нават тыя, хто ў звычайны час да спякоты абыякавы, піша мясцовае выданне New Grodno.

У вальеры двух медзведзянятаў нядаўна ўсталявалі цэлую ванну — імправізаваны басейн.

А малпаў частуюць спецыяльным марозівам, якое нагадвае фруктовы лёд.

Усіх гадаванцаў у заапарку летам пераводзяць на больш сакавіты рацыён. Напрыклад, капытным прапануюць больш зеляніны, садавіны і агародніны.

Паглядзіце, як бавяць лета насельнікі заапарка. Асцярожна, калі чытаеце гэта з офіса, можаце неспадзявана пазайздросціць ламе.