Футбалісты брэсцкага “Дынама” праехалі па горадзе на двухпавярховым аўтобусе

Футбалісты брэсцкага “Дынама” праехалі па горадзе на двухпавярховым аўтобусе з Кубкам Беларусі. Мерапрыемства прайшло ўвечары 8 чэрвеня. Як вядома, дынамаўцы ў нядаўнім кубкавым фінале абыгралі па пенальці салігорскі “Шахцёр”. Матч прайшоў у Гродне. Цяпер клуб адсвяткаваў перамогу са сваімі заўзятарамі ў Брэсце. Каля Лядовага палацу ўсе жадаючыя маглі паразмаўляць з футбалістамі і трэнерамі, узяць аўтографы, зрабіць фота на памяць.