Галоўным трэнерам расійскіх байцоў ММА стаў беларус
Генадзь Капшай стаў новым настаўнікам зборнай Расіі па змешаных баявых мастацтвах MMA.
На гэтай пасадзе яго зацвердзіў прэзідыум канферэнцыі расійскага Саюза ММА, паведамляюць СМІ.
Генадзь Капшай нарадзіўся ў Рэчыцы Гомельскай вобласці ў сям'і вайскоўца. Заслужаны трэнер рэспублікі Беларусь па тайскім боксе. Шмат гадоў служыў інструктарам па фізічнай падрыхтоўцы і рукапашным баі ў атрадзе спецыяльнага прызначэння Беларусі.
