"Гродна-Азот" паведамляе пра здарэнне ў цэху "Аміяк-4"
Чарговае здарэнне на гродзенскім прадпрыемстве / gazeta.azot.by
Раніцай 11 верасня "Гродна-Азот" паведамляе пра здарэнне ў цэху "Аміяк-4". З-за няспраўнасці там спынілася аддзяленне сінтэзу і ўстаноўка Monsanto. Яе прычыны высвятляюцца.
Тэхналагічны газ скідваюць на факельную ўстаноўку і спальваюць.
На "Гродна-Азоце" падкрэсліваюць, што "пагрозы гораду, экалогіі, жыхарам і работнікам прадпрыемства няма".
Вясной на "Гродна-Азоце" былі праблемы з энергазабеспячэннем, давялося перазапускаць цэхі.
